Ауа райы
Астана 27 °С
Алматы 26 °С
валюта бағамы
USD 326.88
EUR 364.90
RUB 5.47
CNY 47.85

«Ордабасы» командасы босниялық футболшылармен бақ сынасады

«Ордабасы» командасы босниялық футболшылармен бақ сынасады
2017 жылғы 21 маусым 01:20 463

ШЫМКЕНТ. ҚазАқпарат - Шымкенттің «Ордабасы» командасы Боснияның «Широки Бриек» командасының футболшыларымен күш сынасатын болды. Бұл туралы Швейцарияда өткен футболдан Еуропа лигасында өнер көрсететін командалар арасында жеребе тартылу барысында мәлім болды. Күнгейлік команданың алғашқы ойыны Шымкентте өтеді, деп хабарлайды ҚазАқпарат ХАА тілшісі.


«Ордабасы» командасы босниялық футболшылармен бақ сынасады

Сонымен футболдан Еуропа лигасында Қазақстанның үш командасы өнер көрсетеді. Алматының «Қайрат» командасының футболшылары Литваның «Атлантасымен» сынға түссе, Павлодардың «Ертісі» Болгарияның «Дунай» команасының футболшыларымен жарысады. Ал, Оңтүстік Қазақстан облысының намысын Еуропа лигасында қорғайтын «Ордабасы» командасы Боснияның «Широки Бриек» командасымен жасыл алаңға шықпақ.


«Ордабасы» командасы босниялық футболшылармен бақ сынасады

Ордабасылықтардың қарсыласы өте мықты болып тұр. Босниялық команда өз елдерінің екі дүркін чемпионы, үш дүркін кубок жеңімпазы атанған. Әйтсе де, «Ордабасы» командасының көсіле шабуына өз алаңы кедергі болуы мүмкін. Өйткені, Қажымұқан атындағы орталық стадион жарықтың болмауына байланысты кешкі уақытта жұмыс істемейтін. Кейбір шенділердің кесірінен бөлінген қаржы да игерілмей отыр. Осының салдарынан жанкүйерлер ойындарды ешбір талаптарға сай емес, тіпті арнайы көліктерге арналған тұрағы да, жарығы да жоқ «БИІК» стадионында көруге мәжбүр болуда.


«Ордабасы» командасы босниялық футболшылармен бақ сынасады

Бұл мәселе тез арада шешімін таппаса, Еуропаның лига ойындары Тараз немесе Алматы қаласында өтуі мүмкін. Жанкүйері, қолдаушысы жоқ команданың жеңіске жетуі де қиын болар, сірә. Қалай болғанда да «Ордабасы» алғашқы кездесуін 29 маусым күні өз алаңында өткізеді деп күтілуде.

 

Пікір қалдыру

Соңғы Пiкiрлер