Ауа райы
Астана 13 °С
Алматы 12 °С
валюта бағамы
USD 332.80
EUR 390.57
RUB 5.60
CNY 49.88

Оралдан басталған «Ашық алаң - 2050» жобасы басқа облыстарда да жалғасады - Манкеев

Оралдан басталған «Ашық алаң - 2050» жобасы басқа облыстарда да жалғасады - Манкеев
2017 жылғы 12 тамыз 19:15 1212

ОРАЛ. ҚазАқпарат - Біздің мақсатымыз - «Рухани жаңғыру» бағдарламасын жүзеге асыру мақсатында пікір алмасатын ашық алаң құру. Бұл туралы бүгін Орал қалалық мәдениет және демалыс саябағында өткен «Рухани жаңғыру - келешектің кепілі» атты шарада «Қазақстан - 2050» қозғалысы» кеңесінің төрағасы, ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссия мүшесі Мұхтар Манкеев мәлім етті, деп хабарлайды «ҚазАқпарат» тілшісі.


Оралдан басталған «Ашық алаң - 2050» жобасы басқа облыстарда да жалғасады - МанкеевОның айтуынша, заманауи коммуникациялық құралдар арқылы, қоғаммен біріге отырып, түрлі буын өкілдерінің ойын   білу арқылы жаңа жобалар іздестірілетін болады. «Тізімге кірмей қалған маңызды жобалар болса, солармен жұмыс жасап, нәтижесін көруге ұмтылу керек. Елбасымыз Қазақстанның әлемнің ең дамыған отыз елінің қатарына қосылуын мақсат етіп қойғаны белгілі. Сондықтан бұл биік межеге жету үшін тек мемлекеттік ұйымдар ғана емес, бүкіл қоғам мүшелері бірігіп жұмыстануы керек. Осыған орай елдің пікірін, ұсынысын тыңдауға келдік. «Туған жер», «100 жаңа есім», «Ұлттық код» және басқа бағыттар бойынша тың жобалар болса, бірге талқыға саламыз. Орал қаласынан бастау алған «Ашық алаң - 2050» жобасы басқа облыстарда да жалғасын таппақ. Кейін барлық жұмыс қорытындыланып, халықтың ұсыныс-пікірлері негізінде нақты жобалар жасалатын болады», деді М.Манкеев.


Оралдан басталған «Ашық алаң - 2050» жобасы басқа облыстарда да жалғасады - МанкеевШараға Батыс Қазақстан облысындағы «Аялаған алақан» қоғамдық қорының жетекшісі Рада Хайрушева, Астана қаласы азаматтық кеңесінің төрағасы, кәсіпкер Тимур Ілиясов қатысып, қоғамның рухани жаңғыруы бағытындағы өз ой-пікірлерімен бөлісті. Сондай-ақ өңір ардагерлері жаңа бастамаға сәттілік тілесе, жастар өкілдері өз ұсыныстарын ортаға салды.


Оралдан басталған «Ашық алаң - 2050» жобасы басқа облыстарда да жалғасады - МанкеевЕркін форматта өткен мұндай кездесулер алдағы уақытта да жалғасын табатын болады.

Автор: Елжан Ералы
Басты сөздер: Қайырымдылық, Батыс Қазақстан облысы, Рухани жаңғыру,
Қате таптыңыз ба? Белгілеп, CTRL+ENTER басыңыз

Пiкiрлер

  • 13.08.2017Ескендір
    0
    түрлі ресми шаралардан тартқандары өте дұрыс болды. Өзекті мәселелерді халықпен ақылдасу керектігін білген, еркін және ыңғайлы түрде өткізуді бастаған мына жастарды қолдауға тұрарлық.

Пікір қалдыру

Соңғы Пiкiрлер