Ауа райы
Астана 7 °С
Алматы 6 °С
валюта бағамы
USD 333.53
EUR 392.10
RUB 5.82
CNY 50.40

Оралда «Рухани жаңғыру» аясында «Дәстүр» шарасы ұйымдастырылды

Оралда «Рухани жаңғыру» аясында «Дәстүр» шарасы ұйымдастырылды
2017 жылғы 7 қазан 17:09 711

ОРАЛ. ҚазАқпарат - Бүгін Орал қаласындағы жаңа алаңда «Рухани жаңғыру» бағдарламасы аясында «Дәстүр» атты мәдени-ағарту, көпшілік шаралары өтті, деп хабарлайды «ҚазАқпарат» тілшісі.

Қазақстан халқы БҚО ассамблеясының «Этностар күні» жобасына сәйкес қазақ халқының салт-дәстүрлеріне арналған шараға барлық аудандар, жоғары және арнаулы оқу орындары қатысты. Алаңда киіз үйлер тігіліп, тұсау кесу, бата беру секілді ұлттық салт-дәстүрлерден көріністер қойылды. Қолөнер көрмесі, ұлттық ойындар кезегімен өтіп жатты.

Оралда «Рухани жаңғыру» аясында «Дәстүр» шарасы ұйымдастырылды

Шараға қатысқан облыс әкімінің бірінші орынбасары Арман Өтеғұлов Елбасының «Болашаққа бағдар: рухани жаңғыру» атты бағдарламасына сәйкес халқымыздың сан ғасырлық салт-дәстүрлерін насихаттау, ұлттық құндылықтарды орнықтыру, жас ұрпақты отаншылдық рухта тәрбиелеу мақсатында өңірде осындай жобалардың қолға алынып жатқандығын жеткізді. Мұндай игі шаралар алдағы уақытта да жалғасын табатын болады.

Оралда «Рухани жаңғыру» аясында «Дәстүр» шарасы ұйымдастырылды

Қадыр Мырза Әли атындағы орталық алдында ақындар мен ғалымдар, зиялы қауым өкілдері жастармен кездесіп, өлеңдер оқылып, ұлттық тәрбие төңірегінде ой қозғалды.

Оралда «Рухани жаңғыру» аясында «Дәстүр» шарасы ұйымдастырылды

Ұлттық салт-дәстүрді насихаттаған шара өңір өнерпаздары қойған концертке ұласты.

 

 

Автор: Елжан Ералы
Басты сөздер: Батыс Қазақстан облысы, Рухани жаңғыру, Әдебиет,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер