Оралда әкімнің кубогы үшін волейболдан жарыс өтті
Облыстық, қалалық және аудандық әкімдік қызметкерлері арасында үш күнге созылып, тартысты өткен турнирге барлығы 14 команда қатысып, бақ сынады.
Финалдық бәсекеде шыңғырлаулық әріптестерін ұтқан Қазталов ауданы әкімдігі командасы жеңімпаз атанды. Сондай-ақ ақжайықтықтар үшінші, жәнібектіктер төртінші орынға ие болды.
Сонымен қатар ерекше көзге түскен ойыншылар да марапатталды. Атап айтқанда, Бөкей ордасы ауданы әкімдігінен Мереке Бисембаев «Үздік қорғаушы», жәнібектік Таһир Қадимов «Үздік байланыстырушы», ақжайықтық Тимур Шыниязов «Үздік шабуылшы», шыңғырлаулық Тілепберген Қаюпов «Үздік ойыншы», зеленовтық Александр Шаталов пен БҚО әкімдігінен Қазбек Меңеев «Турнир ақсақалы» атанды.
Айта кетейік, мемлекеттік қызметшілер арасында салауатты өмір салтын орнықтыру, олардың спортпен айналысуы үшін ынталандыру мақсатында мұндай жарыстар дәстүрлі түрде ұйымдастырылып келеді.