Ауа райы
Астана -5 °С
Алматы 4 °С
валюта бағамы
USD 332.21
EUR 391.74
RUB 5.57
CNY 50.08

Омбылық хирургтер Павлодарда ота жасады

Омбылық хирургтер Павлодарда ота жасады
2017 жылғы 10 қараша 22:57 473

ПАВЛОДАР. ҚазАқпарат - Павлодар және Омбы хирургтердиабетке шалдыққан науқастардың ампутациядан құтылуына мүмкіндік беретін ота жасауды бірлесіп үйреніп жатыр, деп хабарлайды «ҚазАқпарат» ХАА тілшісі.

Омбы өткір ишемия орталығының қызметкерлері, атап айтқанда орталық басшысы Владимир Ходус,  іріңді хирургия бөлімінің меңгерушісі Болатхан Тастеміров және диагностика мен емдеудің рентгенхирургиялық әдістері  бөлімінің меңгерушісі Гарегин Костанян Қазақстанға келді. Олар Павлодар қалалық бірінші ауруханасында кешенді операциялар жасауға қатысып, тәжірибелерімен бөлісті.

«Ресейлік дәрігерлер қант диабеті бар науқастардың қан айналымын жақсарту үшін эндовидео жабдықтарын қолдану арқылы ота жасады», - деп хабарлады денсаулық сақтау басқармасы мамандары. Мұндай оталар Қазақстанда және Павлодар облысында кең таралған баяу қан айналымынан зардап шегетін науқастардың мүгедектігінің алдын алады.

Енді Павлодар мен Омбы хирургтары ампутациядан арылу үшін осындай оталарды жиі жасайтын болады. 

 

 

Басты сөздер: Медицина, Павлодар облысы, Ресей,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер