Ауа райы
Астана -2 °С
Алматы 4 °С
валюта бағамы
USD 330.29
EUR 387.27
RUB 5.56
CNY 49.80

ОҚО тұрғыны 4 млн теңгені алаяқтық жолмен жымқырған

ОҚО тұрғыны 4 млн теңгені алаяқтық жолмен жымқырған
2017 жылғы 15 қараша 14:20 295

ШЫМКЕНТ. ҚазАқпарат - Оңтүстік Қазақстан облысы, Сарыағаш ауданында алаяқтық қылмысына қатысы бар деген күдікпен 30 жастағы тұрғыны ұсталды. Өзін тексеру органының қызметкерімін деп таныстырған күдікті тұрғындардың 4 млн теңгесін жымқырып кеткен, деп хабарлайды ҚазАқпарат тілшісі.

Сарырағаш аудандық ішкі істер басқармасына бірнеше тұрғыннан арыз келіп түскен. Онда азаматтар белгісіз ер адамның сенімдеріне кіріп, түрлі себептер арқылы алаяқтық әрекеттерге барған. Сөйтіп ақшаларынан алып, қашып кеткен. Бір жәбірленуші болса  жаз мезгілінде тұрмыстық заттар сататын дүкеніне белгісіз ер адам келіп, өзін тексеру органның қызметкері деп таныстырғанын айтқан. Құжаттарын тексеріп болған соң, алдау жолымен ақшасын, тауарларын алып кетіпті.       

Осы арыздардан кейін жедел-іздеу шараларын жүргізген тәртіп сақшылары 1987 жылы туған күдіктіні қолға түсірді. Тексеру барысында алаяқтық қылмысы үшін бірнеше рет сотты болғанын анықтады. Қазіргі таңда сезіктінің 7 алаяқтық дерегіне қатысы бар екені дәлелденді. Жәбірленушілерге келтірілген шығын көлемі 4 млн теңгені құрап отыр.

Сондай-ақ, ұсталған азаматтың өзге де қылмыстарға қатыстылығы тексеріліп жатыр. Полицейлер 30 жастағы тұрғынның үстінен Қылмыстық кодекстің 190-бабы «Алаяқтық» бойынша іс қозғады.

 

 

Басты сөздер: Оңтүстік Қазақстан облысы, Қылмыспен күрес,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер