12:05, 18 Сәуір 2018 | GMT +6
ОҚО-ның таулы аудандарында қар жауды
ШЫМКЕНТ. ҚазАқпарат - Оңтүстік Қазақстан облысында күн күрт суытып, таулы аудандарға қар түсті, деп хабарлайды ҚазАқпарат тілшісі.
Кеше кешкісін облыс орталығында нөсер жауын жауып, таңға жуық тоқтады. Ауа температурасы түнде 13-15 градус нөлден жоғары болса, түнде 5 градусқа дейін суытты. Ал, таулы аудандарды қар жауды.
«Шымкентте жаңбыр аса көп жауған жоқ. Ал, облыстың таулы аудандарда жаңбыр тым көп болып, Төле би сияқты таулы аудандарда қар түсті», - дейді «Қазгидрометтің» Оңтүстік Қазақстан облысы бөлімшесінің мамандары.
Еске салайық, бұған дейін «Қазгидромет» орталығы оңтүстік өңірлерінде күн суытатыны туралы ескерту жасаған болатын. 17-19 сәуір аралығында кей аудандарда нөсер жауын жауып, су деңгейі көтеріледі деп болжанған. Бүгін де оңтүстік өңірінде жауын жауады деп күтілуде.
Фото: desk-tops.ru