ОҚО-ның өнерпаздары Әбу-Дабиде өнер көрсетті

ШЫМКЕНТ. ҚазАқпарат - Оңтүстік Қазақстан облысының өнерпаздары Біріккен Араб Әмірлігінің Әбу-Даби қаласындағы шейx Заид атындағы Халықаралық мәдениет фестивалінде өнер көрсетті, деп хабарлайды ҚазАқпарат тілшісі.

Халықаралық байқауда Қазақстан Республикасының атынан «Түркістан сарайы» концерттік ұйымының «FARAB» би театры  қатысты.
 

Шейx Мансур бен Зайд Аль Наxаяның өтінішімен арнайы  шақырту алған би тобы қазақтың ұлттық дəстүрлерін насихаттауда.

Айта кетейік, «Түркістан» сарайы «FARAB» би театрының құрылғанына төрт ай уақыт өтсе де, осы аралықта бірнеше халықаралық, республикалық сахналарда өнер көрсетіп жүр.