ОҚО-дағы Қазығұрт тауында кеме бейнесіндегі алып кешен салынады
Аймақ басшысының сөзінше, алдағы уақытта Ордабасы тауында да үш бидің еңселі ескерткішін тұрғызу жоспарланып отыр.
Облыстық мәслихаттың кезекті отырысында отандық туризмді дамыту мәселелері сөз болды Бұл бағытта жергілікті билік бірқатар шараларды жүзеге асырмақ. Мәслихатта сөз сөйлеген Жансейіт Қансейітұлы осы саланы дамытуға байланысты бірқатар тың жобалар жайында әңгіме етті. Қазығұрт тауы басында салынатын ғимарат алып кеме бейнесінде болады және оның бірнеше қабаты болмақ. Бұл жоспар алдағы уақытта іске асып жатса, оның ішінде келушілерге қажетті барлық жағдай жасалмақ. Қазір «Кеме қалған» маңында құрылыс жұмыстары жүргізілуде. Жаңадан салынатын нысан маңайын көріктендіру мен көркейту шаралары қолға алынған.
Айта кетейік, бұл мекенге күн сайын келіп - кетушілер саны артпаса, азайған емес. Ал, таудың басына кеме бейнесіндегі ғажайып құрылыс еңсе тіктесе, қасиетті таудың маңызы артып, туризмге де кең тыныс ашылары анық.