Қолданушы баптаулары
Қолданушы баптаулары
+7 (701) 759 90 19 Лента
Астана: -22 °С
Алматы: -7 °С
USD 335.33 EUR 395.49
RUB 5.70 CNY 50.75
Жаңалықтар

ОҚО-да ұлағатты ұстаздар марапатталды

2017 жылғы 7 қазан 00:57 885
Поделиться:
ОҚО-да ұлағатты ұстаздар марапатталды

ШЫМКЕНТ. ҚазАқпарат - Оңтүстік Қазақстан облысында ұлағатты ұстаздар марапатталды. Отырар ауданының әкімі Ерлан Айтаханов ардагер ұстаздар мен білім саласының дамуына сүбелі үлес қосып жүрген білікті мұғалімдерді қабылдап, олармен болашақ ұрпақ тәрбиесі мен білім деңгейі жайында кеңінен әңгімелесті, деп хабарлайды ҚазАқпарат тілшісі.

Кездесу барысында ұлағатты ұстаздар білім саласында толғандырып жүрген ойларын ортаға салып, алдағы арман-мақсаттарымен бөлісті. Өткен жылдардағы білім беру жүйесі мен технологиясы дамыған бүгінгі күннің жаңа бағдарламалары аясында мұғалімдердің ой-пікірін тыңдаған аудан басшысы ұстаздар қауымының ең басты міндеті білім беруде ғана емес, сонымен бірге адам бойындағы барлық жақсы қасиеттерді де қоса сіңіру екендігін атап өтті.  Білім саласы қызметкерлерін кәсіби мерекелерімен құттықтады.

ОҚО-да ұлағатты ұстаздар марапатталды 

«Мектеп табалдырығынан тарыдай болып кірген баланың тұлға болып қалыптасуына дейінгі ұстанымдары мен білім дәрежесінің жоғары болуы оның ең бірінші мектепте қалаған іргетасының мықтылығына байланысты. Ал, сол іргетасының берік болып қалануына бірден бір себепкер-ұстаздар сіздерсіздер»,-деді Ерлан Айтаханов. 

ОҚО-да ұлағатты ұстаздар марапатталды 

Кездесуде ұстаз беделін көтеру, білім деңгейін арттыру, ұстаз бен шәкірт арасындағы байланысты жақсарту, мектеп қабырғасындағы бала тәрбиесі жөнінде келелі әңгімелер өрбіді. Әңгіме барысында мұғалімдер аудан басшысының ұстаздар қауымына деген ыстық ықыласы мен құрметіне ризашылықтарын білдірді.

ОҚО-да ұлағатты ұстаздар марапатталды 

Бейресми кездесуде ұстаздарды еркін әңгімелесуге тартқан аудан басшысы Ерлан Айтаханов ұлағатты жандар тарапынан айтылған ұсыныс-пікірлер ескерілетінін айтып, мұғалімдерге мерекелік сый-сияпат жасады.

 

 


Бөлісіңіз:

Автор:

Айнұр Ақбаева

Пікір қалдыру
Онлайн қызметкерлер
Редактор
Айдар Оспаналиев
Айдар Оспаналиев
954-059
Редактор
Жарылқасын Саягүл
Жарылқасын Саягүл
954-059
Мұрағат