ОҚО-да ҰБТ ережесін бұзып, аудиториядан шығарылған оқушылар болды
Жалпы, облыс бойынша барлық аудан, қалалардағы 829 мектептен 21323 бітіруші ҰБТ тапсырған. Ал, сынақ тапсыруға ниет білдірген 21668 оқушының 312-сі өз өтінішімен, 29-ы денсаулығына байланысты, 4 оқушы ҚР Білім және ғылым министрлігінің бұйрығымен (халықаралық олимпиада және ғылыми жоба жеңімпазы) ҰБТ-дан босатылған. Сондай-ақ, тестілеуге кірген 3 оқушы ҰБТ ережесін бұзғаны үшін аудиториядан шығарылып, тестілеу қорытындылары жойылды.
«2017 жылғы ҰБТ қорытындысы бойынша облыста орташа деңгей 76,8 балды құрады. Атап айтсақ, Кентау - 90,6, Шымкент - 86,6, Отырар - 84,6, Қазығұрт - 81, Арыс - 78,9, Түркістан - 76, Түлкібас - 75,9, Төлеби - 75,3, Сайрам - 72,5, Шардара - 72,4, Созақ - 72, Сарыағаш - 71,9, Мақтарал - 71,2, Бәйдібек - 70,2, Ордабасы - 64,3 балды құрады»,- деді Р.Ергашова.
Сынақ тапсырған түлектердің ішінде 100 балдан жоғары жинағандар 4113 болса, 120 балға дейін жинағандар саны 3004 оқушы, ал, 1109 бала 121-140 аралығында балл жинағандар.
Айта кетейік, сынақ кезінде ең жоғары 138 балды Мұхамед Хайдар Дулати атындағы үш тілде оқытатын мамандандырылған №8 гимназиясының оқушысы Жанабаева Әсел Маратқызы жинаса, 137 балды 10 оқушы, 136 балды 15 оқушы жинаған.