ОҚО-да әуе шарларының фестивалі өтті

АСТАНА. ҚазАқпарат - Оңтүстік Қазақстан облысында халықаралық «Ашық аспан» әуе шарларының фестивалі өтті. «Ұлыстың ұлы күні - Наурыз» мерекесі аясында ұйымдастырылған шараға елімізден бөлек Ресей, Украина, Қырғызстан, Өзбекстан, Түркияның спортшылары қатысты.

Бұл туралы өңірлік әкімдіктің баспасөз қызметі хабарлайды.

Онда фестиваль қатысушылары әуе шарларын көкте қалықтатып, көрермен көзайымына айналды. Сондай-ақ, тәжірибелі спортшылар әуе шарларын басқару бойынша шеберлік сабағын өткізді.

Жиын барысында қалықтаған 15 аэростатпен көкке көтерілу бақыты Шымкент тұрғындары мен қала қонақтарына да бұйырды. Фестиваль еліміздің эстрада жұлдызы Ғалымжан Молданазардың концертік бағдарламасына ұласты.