Қолданушы баптаулары
Қолданушы баптаулары
+7 (701) 759 90 19 Лента
Астана: -26 °С
Алматы: -10 °С
USD 319.42 EUR 400.04
RUB 5.66 CNY 50.35
Жаңалықтар

ОҚО-да 7 жастағы бала тоққа түсіп қалды

2018 жылғы 14 ақпан 22:17 476
Поделиться:
ОҚО-да 7 жастағы бала тоққа түсіп қалды

ШЫМКЕНТ. ҚазАқпарат - Оңтүстік Қазақстан облысында 7 жастағы бала тоққа түсіп қалды. Денесінің 35 пайызын күйік шалған жеткіншек шалғай ауданнан санавиацияның көмегімен облыс орталығына жеткізілді, деп хабарлайды ҚазАқпарат тілшісі.

Ұқсас жаңалықтар
Шымкентте 8 сынып оқушысы өзіне қол жұмсады Ақмола облысында өрт оқиғасы жиілеп отыр-ТЖД

Оқыс жағдай Сарыағаш ауданының Қызыләскер ауылында болған. Асылбек есімді жеткіншек ойнап жүріп, ауыл ішіндегі қоршаусыз тұрған трансформатордың ішіне кіріп кеткен. Сөйтіп баланы жоғары вольтті ток соғып құлаған. Үстіндегі киімдері өртеніп, беті мен басы, мойыны күйген. Екі қолы мен аяқтары да күйіктен қозғалмай қалыпты. Жеткіншекті туыстары алғашында аудандық аурухананың жансақтау бөліміне апарған. Алайда онда емдеу қиын болғандықтан бала облыстық балалар ауруханасына жеткізілді. Дәрігерлер баланың жағдайын ауыр деп бағалап отыр.

«Баланы 3-4 дәрежелі күйік шалған. Сүйекке дейін тері бұлшық ет сіңірге дейін күйіп қалған, жарамайды. Оның сол қолы жансызданып қалғандықтан, ота жасауға тура келеді»,-дейді аурухананың бас дәрігерінің орынбасары Болат Нұсқабаев.

Отбасында жалғыз бала қазір есін жиғанымен, мүгедек болып қалуы мүмкін. Ата-анасы қоршаусыз тұрған трансформатор бірнеше жылдан бері жұмыс істеп тұрғанын айтады. Енді қожайыны табылмай отыр екен. Полицияға арыз түсірген. Осылайша трансформатор иесін іздеп тауып сотқа бермекші.

 

 


Бөлісіңіз:

Автор:

Айнұр Ақбаева

Онлайн қызметкерлер
Мұрағат