13:06, 23 Маусым 2017 | GMT +6
Нұрсұлтан Назарбаев Дүниежүзі қазақтары қауымдастығының төрағасы болып қайта сайланды
АСТАНА. ҚазАқпарат - Қазақстан Президенті Нұрсұлтан Назарбаев Дүниежүзі қазақтары қауымдастығының төрағасы болып қайта сайланды, деп хабарлайды ҚазАқпарат.
Бүгін Астанада өткен Дүниежүзі қазақтарының V құрылтайы барысында Елбасының кандидатурасы қауымдастық төрағалығына қайта ұсынылды. Қауымдастықтың төралқа мүшелері Н.Назарбаевтың кандидатурасын бірауыздан қолдап, дауыс берді.
"Маған сенім білдіргендеріңіз үшін баршаңызға рахмет. Бұл менің істеп жүрген жұмысым", - деп атап өткен Мемлекет басшысы, сенім артқан төралқа мүшелеріне алғысын айтты.