Нұрсұлтан Назарбаев бірқатар заңдарға қол қойды

АСТАНА. ҚазАқпарат - Қазақстан Республикасының Президенті Нұрсұлтан Назарбаев бірқатар заңдарға қол қойды, деп хабарлайды ҚазАқпарат Ақорданың баспасөз қызметіне сілтеме жасап.

Елбасы «Қазақстан Республикасы мен Сауд Арабиясы Корольдігі арасындағы сотталған адамдарды беру туралы келісімді ратификациялау туралы» Қазақстан Республикасының Заңына қол қойды .

Сондай-ақ, Мемлекет басшысы «Қазақстан Республикасы мен Сауд Арабиясы Корольдігі арасындағы ұстап беру туралы келісімді ратификациялау туралы» Қазақстан Республикасының Заңына қол қойды.

ҚР Президенті «Ұстап беру туралы конвенцияны ратификациялау туралы» Қазақстан Республикасының Заңына қол қойды .

Заңдардың мәтіні баспасөзде жарияланады.