21:56, 08 Желтоқсан 2016 | GMT +6
Мысырдың солтүстігінде жолаушылар пойызы апатқа ұшырады
АСТАНА. ҚазАқпарат - Мысыр астанасы Каирге бет алған жолаушылар пойызы Минуфия провинциясы аумағында рельстен шығып кетті. Бұл туралы "Аль-Яум ас-Сабиа" газетінің электрондық нұсқасы хабарлады.
Қолда бар деректерге қарағанда, Танта қаласынан Каирге бара жатқан №548 жолаушылар пойызы Шибин-эль-Ком темір жол стансасына таяп қалған шақта рельстен шығып кеткен.
Оқыс оқиға болған шақта құрамадағы қатты үрейленген жолаушылардың бірқатары вагон терезелерінен секірген.
Оқиғаның себеп-салдары немесе зардап шеккендер туралы деректер түскен жоқ, деп хабарлайды ТАСС.