Қолданушы баптаулары
Қолданушы баптаулары
+7 (701) 759 90 19 Лента
Астана: -14 °С
Алматы: 0 °С
USD 319.88 EUR 394.41
RUB 5.65 CNY 50.42
Жаңалықтар

Мұсайбеков жарақатпен Олимпиадаға жолдама алған Жұмағазиевті өзгелерге үлгі етті

2017 жылғы 7 желтоқсан 16:08 1696
Бөлісіңіз:
 Мұсайбеков жарақатпен Олимпиадаға жолдама алған Жұмағазиевті өзгелерге үлгі етті

АСТАНА. ҚазАқпарат - ҚР Мәдениет және спорт вице-министрі Сәкен Мұсайбеков жарақатпен жарыс жолына шығып Олимпиада жолдамасын алған шорт-трекші Нұрберген Жұмағазиевті өзге спортшыларға үлгі етті, деп хабарлайды ҚазАқпарат.

Ұқсас жаңалықтар
Қазақстандық шорт-трекшілер Олимпиаданың ширек финалында бақ сынайды Элизабет Тұрсынбаеваның әкесі: Біз Олимпиададан бас тартқымыз келген

Үкімет үйінде өткен баспасөз мәслихатында БАҚ өкілдерінің «Пхенчханда өтетін ХХІІІ Қысқы Олимпиада ойындарынан қандай нәтиже күтесіз?» деген сауалына жауап берген вице-министр спортшылармызға қатты сенетіндігін айтты.

«Барлық жағдай жасалған. Біздің құрама команда заманауи жабдықтармен, медициналық қызметпен, массажшы-дәрігерлермен қамтамасыз етілген. Бірақ бұл кәсіби спорт, үлкен спорт. Үлкен спорт болғандықтан «бақ шаба ма, бап шаба ма» дегендей нәтижені ешкім нақты айта алмайды», - деді ол.

Сонымен қатар ол спортшыларда да жеңіске деген жігер болуы керектігін атап өте келе, ел қоржынына шорт-тректен 10-шы жолдаманы салған Нұрберген Жұмағазиевтің жарыс жолына жарақатпен шыққанын айтып берді.

«Спортшымыз Нұрберген Жұмағазиев әлем кубогының Шанхайда өткен үшінші кезеңінде қатты жарақат алып, гипс салды және дәрігерлер 3 аптаға жарысқа қатысуға тыйым салды. Бірақ бір аптадан кейін онымен Сеулде, ең соңғы жарыста кездестім. «Не үшін мұнда жүрсің? Саған аурухана барып, емделу керек қой», - дедім. Ол: «Аға менде 5 00, 1 500 метрге жолдама бар. Тек 1 мың метрге ғана жолдама жоқ. Мен қатысамын, жеңемін», - деді. Міне, нәтиже бар, жеңді. 10-шы жолдаманы командаға әкелді. Сондықтан бізде осындай спортшылар болса, халық, ел болып оларды бағаласақ, сәттілік пен жеңіс тілесек міндетті түрде нәтиже болады»,- деді Мұсайбеков.

 

 


Бөлісіңіз:

Автор:

Марлан Жиембай

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Мұрағат