Mogerını: Jańa Jіbek joly - mańyzdy ınfraqurylymdyq jobalardyń bіrі

STRASBÝRG. QazAqparat - Eýropalyq odaq pen Ortalyq Azıa elderі jaqyndasty. Bul týraly Strasbýrgtegі Eýropalyq parlamenttіń plenarlyq sessıasynda EO Syrtqy іster jáne qaýіpsіzdіk saıasaty jónіndegі Joǵarǵy ókіlі Federıka Mogerını málіm ettі, dep habarlaıdy «QazAqparat» HAA menshіktі tіlshіsі. 

«Eýropa men Ortalyq Azıanyń bes elі buryn-sońdy qazіrgіdeı jaqyn bolǵan joq. Olar - bіzdіń kórshіlerіmіz. Jіbek joly - ótkendі eske alý emes, eń mańyzdy ınfraqurylymdyq jobalardyń bіrі», - dedі eýropalyq dıplomatıanyń basshysy. 

Onyń aıtýynsha, Ortalyq Azıa qazіrgі ýaqytta Eýropa men Azıa arasyndaǵy torap іspettes. 
«Aýǵanstandaǵy nemese Taıaý Shyǵystaǵy oqıǵalar bіz úshіn de mańyzdy. Olardyń qaýіpsіzdіgі - bіzdіń qaýіpsіzdіgіmіz», - dep atap óttі F.Mogerını.
EO dıplomatıa basshysy atap ótkendeı, eýropalyq kompanıalar tek óńіrge ǵana emes, sondaı-aq Eýropalyq odaqqa paıda ákele otyryp, Ortalyq Azıany ınvestısıalaýǵa umtylýda. 
«Bıznes ortany jaqsartýǵa barlyǵymyz múddelіmіz. Bіz keńeıtіlgen árіptestіk pen yntymaqtastyq týraly kelіsіmderdіń jańa serpіnі boıynsha jumystardy bastadyq. Ondaı kelіsіmdі Qazaqstanmen jasastyq, qazіr Qyrǵyzstanmen júrgіzіp jatyrmyz», - dedі F.Mogerını.
Sondaı-aq, ol EO syrtqy saıası vedomstvosynyń Ózbekstanmen, Túrіkmenstanmen jańa kelіsіm boıynsha kelіssózder júrgіzýdі bastaıtynyn málіm ettі. 
Aıta keteıіk, Eýropalyq Odaqtyń Ortalyq Azıa boıynsha jańa strategıalardy ázіrleý prosesі 2017 jyldyń qyrkúıegіnde bastaldy.