Ми-2 тікұшағы апаттық жағдайда қонуға мәжбүр болды

АСТАНА. ҚазАқпарат - ҚР Инвестициялар және даму министрлігінің Азаматтық авиация комитеті «Тянь-шань» авиакомпаниясының Ми-2 тікұшағының қатты қонғанын хабарлайды.

Комитеттің Фейсбуктегі парақшасында жарияланған ақпаратына сәйкес, оқыс оқиға бүгін 22 қыркүйекте болған. Әуе көлігі апатында экипаждың барлық мүшелері аман қалған.

Айта кетерлігі, «Тянь-Шань» әуекомпаниясы Алматыға жақын маңдағы әуеайлақта әуе көлігімен ұшу және парашютпен секіру қызметтерін ұсынады.