Мемлекет басшысына Петропавл әуежайын жетілдіру перспективалары туралы баяндалды

АСТАНА. ҚазАқпарат - Нұрсұлтан Назарбаев Петропавл қаласындағы халықаралық әуежай ғимаратын аралап көрді, деп хабарлайды Ақорданың баспасөз қызметі.

Мемлекет басшысы халықаралық әуежайдың ұшу-қону жолағы мен жолаушылар терминалын қайта жаңарту барысымен танысты.

Елбасыға ұшақты рульмен бағыттау жолағын, перронды, жарық беру жабдығы мен жолаушылар терминалын жаңғырту жұмыстары, сонымен қатар әуежайды одан әрі жетілдіру перспективалары туралы баяндалды.

Петропавл қаласындағы халықаралық әуежай нормативтік мүмкіндігі бойынша сағатына 200 жолаушы өткізе алады. Аэровокзал ғимаратының жалпы алаңы - 2 400 шаршы метр.