Мемлекет басшысы Алматы әуежайының даму жоспарымен танысты

АСТАНА. ҚазАқпарат - Алматы қаласындағы жұмыс сапары барысында Елбасыға халықаралық әуежайдың қазіргі жағдайы жөнінде баяндалып, оны одан әрі дамыту жоспары ұсынылды, деп хабарлайды Ақорданың баспасөз қызметі.

Қазақстан Президенті әуежайды кешенді жаңғырту аясында жолаушыларға қолайлы жағдай жасап, оларға көрсетілетін қызметтер сапасын арттырудың маңыздылығына ерекше тоқталды.

Соңында Нұрсұлтан Назарбаев бірқатар нақты тапсырма берді.