06:50, 30 Қыркүйек 2016 | GMT +6
Мәжілісмендер бір күндік жалақыларын қайырымдылық қорына аударды
АСТАНА. ҚазАқпарат - Мәжіліс депутаттары Қазақстан халқы Ассамблеясының республикалық қайырымдылық акциясына қатысты.
Халық қалаулылары 29 қыркүйек күні сағат 10-да «Қазақстан» арнасының тікелей эфирінде бастау алған «Шын жүректен» қайырымдылық телемарафонының қорына өздерінің бір күндік жалақыларын аударды. Бұл туралы ҚР Параламентінің баспасөз қызметінен мәлім етті.
Акция барысында жиналған қаражат қымбат ем-домды қажет ететін сырқатқа шалдыққан балаларға, сондай-ақ әртүрлі қиын жағдайларға тап болған азаматтарға бағытталатын болады.
Қайырымдылық телемарафоны Қазақстан халқы Ассамблеясының «Қайырымдылық керуені» жалпыұлттық акциясы аясында өткізілуде.