Мәжіліс депутаттары Павлодар облысының халқымен кездесті
Бұл туралы primeminister.kz сайтында хабарланды.
3 қаңтарда Парламент Мәжілісінің депутаттары Қалқаман ауылының орта мектебін, Қалқаман балалар үйін, дәрігерлік амбулаторияны, сондай-ақ Ақсу қаласы Қалқаман ауылының су тартқыш учаскесін аралап көрді.
Кездесу барысында өңірдің әлеуметтік-экономикалық дамуының басымдықты мәселелері талқыланды. Атап айтқанда, мұғалімдердің жалақысын көтеру, Қалқаман ауылында шлагбаум құрылғысы бар теміржол өткелін салу мәселелері қозғалды, сондай-ақ Пограничник ауылында сумен қамту желілерін жөндеуге республикалық бюджеттен қаражат бөлу мәселелері қаралды.
Жұмыс сапары аясында депутаттар «Нұрлы жол» мемлекеттік бағдарламасы нысандарының жай-күйін зерттеуге, сондай-ақ азаматтарды өздерінің заң шығару қызметі туралы ақпараттандыруға ниетті.
Таяу күндері М. Пішембаев пен А. Платонов Павлодар, Екібастұз қалаларына, Қашыр, Май, Шарбақты аудандарына, сондай-ақ Павлодар облысының бірқатар ауылдық округтеріне барады деп жоспарланған.