Матвиенко Сирияны реттеу бойынша Еуропа, Түркия және Иран елдерімен телекөпір өткізуді тапсырды

АСТАНА. ҚазАқпарат - Федерация Кеңесінің спикері Валентина Матвиенко парламентшілерге сириялық шиеленісті реттеу үшін Еуропа, Түркия, Иран және Сирия елдерімен телекөпір өткізуді тапсырды.

«Халықаралық істер комитеті мен Қорғаныс және қауіпсіздік комитетіне аталмыш біріккен жобаға белсенді түрде қатысуды тапсырамын», - деген Матвиенконың сөзін келтіреді «Газета.Ru».

Бұдан бұрын ол Ресей, Сирия және Қазақстан парламенттерінің сириялық реттеу бойынша телекөпір өткізетінін хабарлаған еді.