Ауа райы
Астана 6 °С
Алматы 3 °С
валюта бағамы
USD 335.24
EUR 395.82
RUB 5.82
CNY 50.65

Маңғыстаудың Кендірлі курорттық аймағына әуежай салынуы мүмкін

Маңғыстаудың Кендірлі курорттық аймағына әуежай салынуы мүмкін
2017 жылғы 13 қазан 06:22 456

АСТАНА. ҚазАқпарат - Ақтауда 2020 жылға дейін өңірлерді дамыту бағдарламасының шеңберінде Маңғыстау облысының әкімі Ералы Тоғжанов «South Caspian Operating Company» компаниясының төрағалары Рао Есвара және Бехара Санкар Бхагаватхимен өзара ынтымақтастық туралы меморандумға қол қойылды, деп хабарлайды әкімнің баспасөз қызметі.

«South Operating Company» компаниясы Қазақстан Республикасының аумағында жобалау, құрылыс және өндіру жұмыстарымен айналысады.

Тараптар Ақтау және Атырау қалаларында қолданыстағы мұнай-химия зауыттарында қосалқы қондырғыларды пайдалану және оларға қызмет көрсету туралы шарт жасасты.

Шетелдік компания Маңғыстау жерінде бірқатар жобаларды жүзеге, атап айтқанда Темір металдан болат арматурасын өндіру үшін тәулігіне 400 тонна қуаттылықты құрайтын болат балқыту зауыты, Темір рудадан жасалған болат бланкілерді өндіру үшін тәулігіне 400-500 тонна қуаты бар металлургиялық  зауыт, Ішкі тұтыну үшін бидайдан күніне 400 метрлік тонна крахмал өндіру зауыты, Тұрмыстық және өнеркәсіптік тұтыну үшін тәулігіне 500 - 50 000 текше метрді құрайтын тұзсыздандыру қондырғысы және басқа да жобаларды іске асыруға уағдаласты.

Сондай-ақ, тараптар  өңірде 100-ден 200 МВт дейін газ электр станциясы мен Автомобиль өнеркәсібі үшін аккумуляторлық зауытын салу, Кендірлі курорттық аймағының жобасын (әуежайдың, тұрғын алабының және туристік аймақтың құрылысы) жүргізу мәселесін де талқылады.

«Бұл бағдарламаны жүзеге асыруға жан-жақты көмек көрсетуге екі жақтың да күш-жігерін салатынына сенімдімін», - деді облыс әкімі Ералы Тоғжанов.

 

 

Басты сөздер: Маңғыстау облысы, Әкім, Туризм, Инвестициялар,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер