07:29, 25 Мамыр 2017 | GMT +6
«Манчестер Юнайтед» Еуропа лигасының чемпионы атанды
АСТАНА. ҚазАқпарат - Ағылшынның "Манчестер Юнайтед" командасы финалдық ойында нидерландылық "Аякс" командасын тізе бүктіріп, Еуропа лигасының чемпионы атанды.
Кездесу мамырдың 24-інен 25-іне қараған түні Стокгольмдағы "Френдс Арена" стадионында өтті. Есеп - 2:0.
"МЮ" алғашқы голын ойынның 18-минутында салды. Есепті ашқан - Поль Погба.
Ал екінші таймның алғашқы минуттарында армяндық жартылай қорғаушы Генрих Мхитарян бұрыштама допты голға айналдыра білді.
"Аякс"-"Манчестер Юнайтед" - 0:2
Голдар: Погба 18, Мхитарян 48
Мына ойыншыларға ескерту берілді: Мхитарян (31), Феллайни (52), Велтман (58), Юнес (64), Мата (78), Ридевалд (78).