Мьянма және Бангладеш рохиндждердің мәселесін бірлесіп шешпек

АСТАНА. ҚазАқпарат - Мьянма және Бангладеш билігі рохиндж мұсылман босқындарын репатриациялау мақсатында келіссөздер жүргізіп жатыр. Бұл туралы Reuters Бангладештің СІМ Абулу Хасана Махмуда Алиге сілтеме жасап хабарлайды. 

«Бангладеш пен Мьянма адамдарды репатриациялау мақсатында екіжақты келісім жасап жатыр», - деді министр.

Оның сөзіне қарағанда, бірлескен жұмыс тобы босқындардың отанына оралып, қауіпсіз тіршілік жасауын қамтамасыз етпек.

Айта кетейік, Мьянманың батысындағы мұсылман дінін ұстанатын рохинджа этносы тұратын Ракхайн штатында жағдай шиеленісіп, халқы босып кеткен болатын.