Ли чемпиондық белдік үшін Головкинмен айқасқа түскісі келеді

АСТАНА. ҚазАқпарат - Бұрынғы әлем чемпионы ирландиялық Энди Ли Головкинмен кезедесу үшін мықты бір қарсыласпен жұдырықтасу керектігін мәлімдеді, деп жазды Sports.kz.

«Рингке қайта оралу үшін ең алдымен үздік жиырмалыққа енетін мықты боксшымен жекпе-жекке түсуім керек. Мәселен, WBC рейтингінде бірінші орында тұрған Хорхе Себастьян Хейландпен айқасқа түсу мүмкіндігі бар. Ол екі жыл бұрын Мэтью Маклинді сабаған боксшы. Бұл мен үшін өте маңызды кездесу, себебі бұл жекпе-жектен кейін Геннадий Головкинмен чемпиондық белдік үшін таласқа түсемін деп үміттенемін», - деді Ли.