Қызылордалықтар бір апта бойы денсаулықтарын нығайтпақ
Апталық аясында 4-9 қыркүйек күндері емханаларда «Ашық есік» күні өтеді. Сондай-ақ, фестиваль барысында көпшілік түрлі спорттық сайыстарға қатыса алады. Қазір оқу орындары мен мектептерде «Денсаулық» сабағы өтуде.
«Биыл алғаш рет мүмкіндігі шектеулі жандар да фестивальге қатыстырылды. Олардың арасында шығармашылық байқаулар өткізілуде. 7 қыркүйекте сайыс жеңімпаздарын анықтаймыз», - деді Жанар Қалмақова.
Айта кетейік, 9 қыркүйек күні республика бойынша бір мезгілде «Денсаулыққа 10 мың қадам» шарасы өтеді. Қызылорда облысында марафоншылар «Достық үйі» алдынан Орталық алаңға дейін жүгіреді. Орталық алаңда тұрғындарға арнап 3 шатыр орналастырылады. Онда денсаулыққа пайдалы тағамдар, жеміс-жидектер, дәрі-дәрмектер мен пайдалы өнімдердің жәрмеңкесі өтеді. Жастардың заманауи билерінің концерті болады. Балалар үшін ойын алаңдары жұмыс жасайды.
«Нұр Отан» партиясы облыстық филиалы төрағасының орынбасары Әділбек Ерсұлтанов: «Спорт пен денсаулықты бөліп қарауға болмайды. Адамзат үшін екеуінің де құндылығы жоғары. Сондықтан, облыс тұрғындарын фестивальге қатысуға шақырамыз», - деп атап өтті.
Фестиваль жеңімпаздарына бағалы сыйлықтар табыс етіледі.