Қызылордадағы қайғылы жағдайды тексеру бойынша комиссия құрылды - министрлік

АСТАНА. ҚазАқпарат - ҚР Еңбек және халықты әлеуметтік қорғау министрлігі Қызылорда облысында орналасқан «Қызылорда су жүйесі» кәсіпорнында 26 шілде күні болған, соңы адам өліміне соқтырған улану дерегінің мән-жайын анықтау бойынша комиссия құрды, деп хабарлайды министрліктің баспасөз қызметі.

«Оқыс оқиғадан 12 адам зардап шегіп, оның ішінде төртеуі (соңғысы 2017 жылдың 27 шілде күні ауруханада қайтыс болды) қаза тапты. Тексеру жұмыстарының нәтижесі кейінірек хабарланатын болады»,-делінген министрлік таратқан мәліметтерде.