Қызылордада вирусты гепатитке шалдыққандар көбейген
Бүгінде Қызылорда қаласында А вирусты гепатитінің эпидемиологиялық ахуалы тұрақсыз деп бағаланып отыр. Өйткені, оған шалдыққан оқушылар қатары өсуде. Үстіміздегі жылы мұндай 9 ауру дерегі тіркелген еді. Ол былтыр бар-жоғы 4 деректі құраған. Осыған орай қазір қала мектептерінде тексеріс шаралары жүргізілуде. Талапқа сай емес білім ошақтарына хаттама толтырылған.
«Аталған науқасқа шалдыққан оқушылардың жұқпалы вирусты А гепатитіне қарсы егілмегені белгілі болды. Аурушаңдықтың алдын алу мақсатында жоғарыда аталған мектептерде эпидемиологиялық көрсеткішке байланысты қарым-қатынаста болған 14 жасқа дейінгі 961 баланың 751-не екпе егілді. Екпенің тиімділігі туралы мектеп басшылығымен бірлесе отырып, одан бас тартқан ана-аналармен түсіндіру жұмыстары жүргізілді, - дейді Қызылорда қалалық қоғамдық денсаулық сақтау басқармасы басшысының міндетін атқарушы Гүлмира Сыздықова.
Әділет Қаңтарбаев