Қызылордада стритболдан ашық турнир өтеді

ҚЫЗЫЛОРДА. ҚазАқпарат-Қызылорда облыстық дене шынықтыру және спорт басқармасы және қалалық әкімдіктің ұйымдастыруымен Қызылорда қаласының 198 жылдығына орай стритболдан қалалық ашық турнир ұйымдастырады.

Ерлер мен әйелдер арасында болатын сайыс 23-24 қыркүйек күндері өтеді.

Турнир «Adidas Streetball Challendge» ережесі бойынша жүреді. Сондай-ақ бұл спорттық шара қала күні мерекесіне де тарту болып саналады. Негізгі мақсаты салауатты өмір салтын қалыптастыру әрі көше спорты ойындарына ден  қою болып табылады. Жарыстың жалпы жүлде қоры 3 млн. теңгені құрайды.