Қызылордада биыл 44 көпқабатты үй салынады
Басқарма басшысының айтуынша өткен жылға жоспарланған жұмыстар толығымен орындалды. Былтыр әлеуметтік нысандар мен тұрғын үйлер салуға, инженерлік-инфрақұрылым жасақтауға 38,7 млрд теңге бөлінген. Аталған кезеңде салынып жатқан 48 нысанның 25-і пайдалануға берілді. Білім саласында құрылысы жүріп жатқан 22 нысанның төртеуі аяқталды.
- Ендігі міндет қалған нысандарды салып бітіру. Сонымен қатар, биыл аймақта спортты дамыту бастамасы аясында Ғ. Мұратбаев атындағы стадионның қосалқы алаңы мен аудандағы спорт кешендері реконструкцияланады. Биылғы басты жаңалық - тұрғын үй құрылысы «Нұрлы жол» бағдарламасының шеңберінде жүргізіледі. Осы бағдарлама аясында биыл облыс бойынша жалпы аумағы 151 мың шаршыметрді құрайтын 44 көпқабатты үй салу жоспарлануда, - деді басқарма басшысы.