Қызылорда іргесіндегі кентке толықтай газ қосылды

None
None
ҚЫЗЫЛОРДА. ҚазАқпарат - Белкөл елді мекенінде 26 шақырым газ құбыры тартылып, 630 үйге көгілдір отын қосылды, - деп хабарлады ҚазАқпарат тілшісі.

Кентте болған облыс әкімі Қырымбек Көшербаев тұрғындарды қуаныштарымен құттықтап, жылы лебізін жеткізді.

null 

«Соңғы жылдары облыс орталығында қала тұрғындарына жайлы жағдай жасауға бағытталған сумен және газбен жабдықтау, жол құрылысы т.б. ауқымды жобалар жүзеге асты. Бұған дейін Тасбөгет, Қызылжарма және Талсуат елді мекендері газдандырылды, ал бүгін біз Белкөл кентін көгілдір отынға қосамыз. Мұндай ірі жобалардың жүзеге асуы ең алдымен Тәуелсіздіктің және Елбасының қолдауының нәтижесінде мүмкін болды. Сіздерді мерейлі мерекемен және көптен күткен газға қосылуларыңызбен құттықтаймын. Табиғи отын халықтың игілігіне қызмет етсін!» - деді Қ.Көшербаев.

Сонымен қатар, тұрғындарды кент ардагерлер кеңесінің төрағасы Сартай Қайруллаев та құттықтады.

null null 

Айта кету керек, соңғы 5 жылда қалада жылу магистральды желілерінің 60 пайызы жаңартылды, 500 шақырымнан аса жол жөнделді, ал қаланы газдандыру 95 пайызға жетті. 

Соңғы жаңалықтар