Қытайда жемқорлыққа қатысты 1,3 млн шенеунік жазаланды

АСТАНА. ҚазАқпарат - Қытайда соңғы 5 жыл ішінде сыбайлас жемқорлыққа қатыса бар 1,3 млн шенеунік жазаға тартылды. Бұл туралы Reuters агенттігі ҚХР Коммунистік партиясының Орталық комиссиясына сілтеме жасап хабарлайды.

Жазаға тартылған шенеуніктердің 648 мыңы ауылды елді мекендерде қызмет еткен. Сондай-ақ, соңғы жылдар ішінде жоғары лауазымды шенеуніктерге де қатысты көптеген қылмыстар әшкерленген.

Комиссия берген ақпараттарға сәйкес, өткен жылы елдегі шамамен 155 мың партиялық ұйым тексерілген. Комиссия сыбайлас жемқорлық фактілері бар 65 мың істі сотқа жолдаған.