19:40, 22 Қараша 2017 | GMT +6
Қытайда әлемдегі ең үлкен барабан жасалды
АСТАНА. ҚазАқпарат - Қытайдың Гуаңши өлкесіндегі «Уижы» барабан құю зауытында «Әлемдегі ең үлкен жез барабан» жасалды.
Бұл туралы Тянь-Шань порталы жазады.
Барабанның диаметрі - 6.68 метр, биіктігі - 2.86 метр, салмағы - 50 тонна. Ол әлемдегі ең үлкен барабан саналады. Барабанды жасауға 30-дан астам жұмысшы 7 айдан артық уақыт жұмсаған.
Жез барабан - Қытайдың ерте заманғы оңтүстігіндегі аз ұлттарда, сондай-ақ шығыс-оңтүстік Азиядағы байырғы халықтарға тән мәдени мұра. Олар жез барабанды жақсылық әкелетін қасиетті музыка аспабы деп санайды.