Қытай шекарасындағы автокөліктер кептелісінің себебі анықталды

None
None
АСТАНА. ҚазАқпарат - ҚР Қаржы министрлігінің Мемлекеттік кірістер комитеті Қазақстан-Қытай шекарасындағы «Қорғас» өткізу бекетінде автокөліктердің жинақталуының басты себебін айтты, деп хабарлайды «ҚазАқпарат» ХАА тілшісі.

«Автокөліктердің жиналып қалуына 13 қарашадан бастап «Қорғас» (ҚХР) өткізу бекетіндегі инспекциялық-тексеру кешенінің істен шығуы себеп болды. Осыған орай ҚХР кеден органдары әрбір автомашинаны тұтас тексеруден өткізіп жатыр», - деді Мемлекеттік кірістер комитетіндегілер.

Тараптардың автокөліктерді әркелкі қабылдауынан бейтарап аумақта 80-нен 130-ға дейін автокөлік жиналып қалады. Осыған байланысты ҚР ҰҚК ШҚ қызметкерлері кептелісті жою үшін көлік қабылдауды уақытша тоқтатты.

Соңғы аптада «ҚХР-ға экспорт» бағытында күніне орташа 93 автокөлік өткен. «Қазіргі кезде «Қорғас» өткізу бекетінің аумағында «ҚР-ға импорт» бағытында жүк автокөліктерінің кептелісі жоқ, жүктерді өткізу штаттық режимді жүргізілуде. ҚХР-дан ҚР-ға күніне орта есеппен 70-80 автокөлік құралы өтіп жатыр», - деді Комитет баспасөз қызметіндегілер. Бірақ «ҚХР-ға экспорт» бағытында кептеліс байқалуда.

Еске сала кетейік, бұрын бірқатар қазақстандық БАҚ «Қорғас» өткізу бекетінің алдында соңғы күндері 200-ге тарта қазақстандық жүк көліктерінен құралған кептеліс пайда болғаны туралы ақпарат тараған болатын.

Соңғы жаңалықтар