Қытай өз аумағында шетелдік сүңгуір қайықтарды су бетінде жүзуге мәжбүрлемек

АСТАНА. ҚазАқпарат - Қытай өз аумағындағы су арқылы өтетін шетелдік сүңгуір қайықтардың өту қағидасын өзгертетін кеме қатынасы туралы заңға түзету енгізуді жоспарлауда.

 Сүңгуір қайықтар судың бетіне шығады және өз маршруттары жайлы қытай билігіне хабарлайтын болады, деп жазды қытайлық China News Service жаңалықтар агенттігі.

«ҚХР аумағындағы судан өтетін шетелдік су асты аппараттары ұлттық туларын жоғары көтеріп, судың бетінде қозғалуы тиіс және бұл жайлы қытай билігін хабардар ету қажет», - деп жазады басылым.