19:14, 23 Шілде 2017 | GMT +6
Қырғызстанда ине жұтқан 2 жасар бала құтқарылды
АСТАНА. ҚазАқпарат - Ош қаласында ине жұтып қойған бала құтқарылды. Бұл туралы Turmush хабарлады.
Ош облысаралық клиникалық балалар ауруханасының бас дәрігерінің орынбасары Жарғал Қадыров 22 шілдеде Бәткен облысының Қызылқия қаласының тұрғыны - 1 жас 7 айлық бала ауруханаға жеткізілгенін айтты.
Бала ине жұтып қойғаны анықталды. Гастроскоптың көмегімен дәрігерлер баланың асқазанынан инені алып шықты. Қазір баланың жағдайы қанағаттанарлық.
Отаға бөлім меңгерушісі Қылышбек Сұлаймановтың жәрдемімен дәрігер-хирургтер қатысты.
Кей деректерге сәйкес бала ойнап отырып, ине жұтып қойған.