Қолданушы баптаулары
Қолданушы баптаулары
+7 (701) 759 90 19 Лента
Астана: -19 °С
Алматы: -3 °С
USD 319.68 EUR 392.95
RUB 5.63 CNY 50.26
Жаңалықтар

Қылмыскерлер жалған ақшаны қалай жасайды

2018 жылғы 15 ақпан 17:34 420
Бөлісіңіз:
Қылмыскерлер жалған ақшаны қалай жасайды

АСТАНА. ҚазАқпарат - ҚР Қаржы министрлігі Мемлекеттік кірістер комитетінің мамандары қылмыскерлердің жалған ақшаны қалай жасайтынын айтып берді, деп xабарлайды ҚазАқпарат тілшісі.

Ұқсас жаңалықтар

Профилактикалық жұмыс және бақылау басқармасы басшысы орынбасарының міндетін атқарушы Ерден Жұманың айтуынша, жалған ақшада арнайы қорғаныс элементтері де болады. Алайда оның қолдан жасалғанын бірден анықтау қиын. «Біз кейде «су таңбасы» бар болса, дұрыс ақша деп ойлаймыз ғой. Мысалы, мен өз көзімен көрдім. 10 000 теңгелік купюраның арнайы белгісі болды. Ішінде «су таңбасы» бар, бірақ анық емес. Ал ондай ақшаның бірден жалған екенін анықтау қиын», - деді Е.Жұма Астанада өткен баспасөз мәслиxатында.

Оның сөзіне қарағанда, қылмыскерлер жалған ақшаны жасаудың сан алуан әдіс-тәсілдерін қолданады. «Мысалы, жалған купюраны толығымен принтерден шығаруы мүмкін. Болмаса, жартылай кеседі де, бір купюра жасайды. Сонда бір жартысы - дұрыс ақша, екіншісі қолдан жасалған. Екеуінің арасын әдемілеп тұрып жабыстырады да, адамға дұрыс жағымен береді. Қолға ұстағанда жалған ақша екенін білінбейді. Екі жартыны арнайы лентамен де, скотчпен де білдіртпей жабыстырады. Кей кезде ондай ақша телефон және тағы басқа қызметтерді төлегенде терминалдардан да өтіп кетеді. Сондықтан барынша абай болу қажет. Әсіресе, түнгі уақытта ақшаны тексеріп отырған жөн», - деп атап көрсетті Е.Жұма.

Айта кетейік, баспасөз мәслиxатында Ерден жалған ақшаны қай купюрамен жиі жасайтынын да айтып берді. 


Бөлісіңіз:

Автор:

Арман Асқаров

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Мұрағат