Қолданушы баптаулары
Қолданушы баптаулары
+7 (701) 759 90 19 Лента
Астана: -27 °С
Алматы: -6 °С
USD 334.85 EUR 394.29
RUB 5.69 CNY 50.60
Жаңалықтар

Күрестен ӘЧ-да 3-орын алған ақмолалық ойда жоқта күміс жүлдегер атанды

2017 жылғы 13 қазан 01:33 2741
Поделиться:
Күрестен ӘЧ-да 3-орын алған ақмолалық ойда жоқта күміс жүлдегер атанды

КӨКШЕТАУ. ҚазАқпарат - Ақмолалық палуан спорттық күрестен өткен Əлем чемпионатында ойламаған жерден күміс жүлдегер атанды, деп хабарлайды ҚазАқпарат тілшісі.

Облыстық дене шынықтыру және спорт басқармасының баспасөз қызметі берген мәліметтерге қарағанда, Болгарияның Пловдив қаласында ардагерлер арасында өткен байрақты додаға Қазақстан ұлттық құрамасы сапында болған Ақмола облысынан төрт палуан қатысты.

Оның ішінде атбасарлық Қайрат Боранбаев 85 келі салмақ бойынша үшінші орыннан көрінді. Алайда, жүлдегерлерді марапаттау рәсімі кезінде жарыс жеңімпазы Иран палуаны екінші орын алған Израиль споршысының қолын алмақ түгілі тұғырғаға шықпады. Төрешілер асау мінез танытқан ирандықты жарыстан шығарып тастады. Нəтижесінде ақмолалық Қайрат Боранбаев автоматты түрде күміс жүлдегер атанып шыға келді.

Еске сала кетейік, осыған дейін тағы  бір ақмолалық палуан Мұхтар Усин 70 келі салмақта грек-рим күресі бойынша боз кілемге шығып, жүлделі үшінші орыннан көрінген болатын. Мұрат алғашқы белдесуде 4-1 ұпай санымен ирандықтан басым түсті. Ал, жартылай финалда әлемнің 5 дүркін чемпионы француздық Георгий Христовқа есе жіберіп алды. Қола медаль үшін күресте алаң иесінен 1-0 ұпайы айрымасымен айласын асыра білді.

 

 


Басты сөздер: Ақмола облысы, Спорт,
Бөлісіңіз:

Автор:

Аслан Оспанов

Пікір қалдыру
Мұрағат