Қолданушы баптаулары
Қолданушы баптаулары
+7 (701) 759 90 19 Лента
Астана: 10 °С
Алматы: 13 °С
USD 326.17 EUR 401.25
RUB 5.31 CNY 51.84
Жаңалықтар

Күдік туғызған қорапқа бола Алматы-1 вокзалы қоршауға алынды

2018 жылғы 13 қаңтар 20:59 2164
Бөлісіңіз:
Күдік туғызған қорапқа бола Алматы-1 вокзалы қоршауға алынды

АЛМАТЫ. ҚазАқпарат  - Алматы-1 вокзалынан күдік туғызған қораптың кесірінен 10 мың адам сыртқа шығарылды, деп хабарлайды ҚазАқпарат тлішісі.

Төтенше жағдай туралы сурет пен видео Instagram паблигінде шықты.


Қалалық лаңкестікке қарсы күрес штабының ресми өкілі Салтанат Әзірбектің айтуынша, күдік туғызған қорап туралы вокзал кезекшісі хабарлаған.

«Алматы-1 вокзалына барлық шұғыл қызмет ету қызметтері келді. 10 мың адам сыртқа, қауіпсіз жерге шығарылды. Жолда тұрған 4 пойыздың жолаушылары шығарылды. Саперлер жұмысқа тартылды. Қорап кешкі 18:34-те табылды. 19:26-да барлық қызметтер жұмысын тоқтатты.Тексеру кезінде қораптан ештеңе табылмады», - деді Салтанат  Әзірбек.

Оның айтуынша, күдік туғызатын иесіз заттар болса, адамдар лаңкестікке қарсы күрес штабына хабарлауы тиіс.

«Бұған дейін ақпараттық парақшалар таратқан болатынбыз. Азаматтар қырағылық танытқаны өте құптарлық. Себебі бұған дейін түрлі сөмке, рюкзактар тапқан едік», - деді ол.

Алматы-2 вокзалы бойынша тексеру жұмыстары жүргізілмеді.

 

 


Басты сөздер: Алматы, Оқиға, Қоғам,
Бөлісіңіз:

Автор:

Гүлмира Ғосманәли

Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат