Ауа райы
Астана -9 °С
Алматы -1 °С
валюта бағамы
USD 330.39
EUR 392.04
RUB 5.65
CNY 50.04

ҚР Үкіметі жаңа әліпбиді енгізу жөнінде жұмыс тобын құрады

 ҚР Үкіметі жаңа әліпбиді енгізу жөнінде жұмыс тобын құрады
2017 жылғы 31 қазан 14:05 1518

АСТАНА. ҚазАқпарат - Қазақстан Үкіметі қазақ тілінің латын графикасын енгізу бойынша жұмыс тобын құрады. Бұл туралы ҚР Мәдениет және спорт министрі Арыстанбек Мұхамедиұлы мәлім етті, деп хабарлайды ҚазАқпарат.

«Ғалымдар бірнеше үлгідегі графиканы тиянақты талқыдан өткізді. Соның нәтижесінде көптеген ұсыныстар ескеріліп, апострофтар арқылы жасалған графикалық нұсқасы тиімді деп табылды. Ғалымдармен бас қосқан Президент латын қарпіне негізделген қазақ әліпбиінің соңғы жобасы қызу талқыланып, қоғам тарапынан қолдау тапқанын атап өтіп, көп ұзамай қазақ тілі әліпбиін кириллицадан латын графикасына көшіру туралы Жарлыққа қол қойды. Атап айтқанда, ел азаматтары, әсіресе, жастар күнделікті тәжірибеде латын графикасын белсенді түрде насихаттай бастады. Енді мемлекеттік тілдің жаңа әліпбиі кезең-кезеңмен енгізілетін болады. Бұл бағытта не жасалады?  Бірінші кезекте, Үкімет тарапынан қазақ тілінің латын графикасын енгізу бойынша жұмыс тобы құрылады»,-деді министр Орталық коммуникациялар қызметіндегі баспасөз мәслихатында.

Оның сөзіне қарағанда, сонымен қатар орфографиялық-лингвистикалық комиссия да құрылады. Латын графикасы негізінде жаңа орфографиялық ережелер мен қазақ тілінің үлкен орфографиялық сөздігі жасалады.

«Үшіншіден, нормативтік-құқықтық базаны сәйкестендіру қажет. Осыдан кейін оқу-әдістемелік, оқулық, көркем және басқа да қажетті әдебиеттерді әзірлеу мен басып шығаруға кірісе аламыз», - деп түсіндірді А. Мұхамедиұлы.

Осы орайда ол әлеуметтік маңызы бар әдебиеттерді шығаруға ерекше назар аударылатынын атап өтті.

«Әрине, жаңа әліпбиді қоғамда әрі бұқаралық ақпарат құралдарында белсенді түрде алға жылжыту керек. Мұнымен қоса, жаңа қазақ әліпбиінің тілдік ортасын кеңейту үшін жаңа әліпбиді жарнама саласында қолдану жұмыстарын бастау қажет. Сонымен қатар арнайы оқытатын портал мен мәтіндерді автоматты түрде латын қарпіне аударудың конвертері құрылуы керек», - деді министр.

 

 

Басты сөздер: ҚР Үкіметі, Латын әліпбиі, Тіл,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер