ҚР Премьер-Министрі сүт өнімдерін өндіретін кәсіпорынды аралады

АСТАНА. ҚазАқпарат - ҚР Премьер-Министрі Бақытжан Сағынтаев сүт өнімдерін өндіретін кәсіпорын «Нәтиже» Сүт фабрикасы» ЖШС-ін аралады, сондай-ақ өңірдің ауыл шаруашылығын дамыту барысымен танысты, деп хабарлайды primeminister.kz.

Кәсіпорынның бас директоры Ерлан Әшім сүт фабрикасының ағымдағы қызметі және оның перспективалары туралы баяндады және қолданылатын технологиялар мен сүт өнімдерін өндіретін технологиялық желілер орналасқан өндірістік цехтің жабдықтары туралы мәлімдеді.

Сондай-ақ, жалпы өңірдің ауыл шаруашылығын дамыту туралы баяндама ұсынылды.

ҚР Президенті Н. Назарбаевтың тапсырмасына сәйкес, таяу бес жылда ауыл шаруашылығы өнімдері өндірісі және қайта өңдеу әртараптандырудың негізгі көзі және экономикалық өсімнің қозғаушы күші болуы тиіс. Осыған байланысты, АӨК дамытудың 2017-2019 жылдарға арналған мемлекеттік бағдарламасы аясында қайта өңдеу және жұмыс істеп тұрған кәсіпорындарды жүктеу үлесін арттыру бойынша кешенді жұмыс жүргізілуде.