ҚР Омбудсмені Сеулдегі қартаю мәселелеріне арналған конференцияға қатысты

None
None
АСТАНА. ҚазАқпарат - 18-21 қыркүйек аралығында Сеул қаласында (Корея Республикасы) қартаю мәселелері бойынша ІІ ASEM (Азия-еуропалық кеңес) конференциясы өтіп, оның барысында қарт адамдардың құқықтарын қамтамасыз етудің өзекті мәселелері қаралды, деп хабарлады Қазақстан Республикасындағы Адам құқықтары жөніндегі уәкілдің баспасөз қызметі.

Конференция аясында 2017-2019 жылдарға арналған стратегиялық іс-қимыл жоспарының ережелері талқыланған (GANHRI) қартаю мәселелері бойынша, Ғаламдық альянстың ұлттық құқық қорғау мекемелері жұмыс тобының отырысы өтті. Осы құжаттың мақсаты - егде жастағы адамдардың ұлттық және халықаралық деңгейлердегі құқықтарын көтеру, тәжірибе алмасу және осы бағытта ең озық тәжірибені пайдалану үшін тиісті институттардың тиімділігін арттыру болып табылады.

Сондай-ақ, қартаю мәселесі бойынша ASEM жанында Жаһандық орталық құру жөнінде дөңгелек үстел өткізілді, оның нәтижелері сыртқы істер министрлері мен ASEM мүшелерінің кезекті кездесуінің қарауына ұсынылады.

Форум барысында ҚР Омбудсмені шетелдік әріптестерді «Қазақстан-2050» Ұлт жоспарын, «100 нақты қадам», Қазақстанның соңғы жетістіктері тұрғысынан стратегиялық бағдарламаларды іске асыру, сондай-ақ қарттардың өмір сүру сапасының негізгі бағыттарымен таныстырды. Қатысушылар халықаралық ынтымақтастықты одан әрі нығайту және адам құқықтарының призмасы арқылы тиімді шаралар әзірлеу қажеттілігі туралы ортақ пікір білдірді.

Соңғы жаңалықтар