Ауа райы
Астана -10 °С
Алматы -6 °С
валюта бағамы
USD 330.00
EUR 390.72
RUB 5.65
CNY 50.13

Қостанайда «терезеші» алаяқтың ісі тергеліп жатыр

Қостанайда «терезеші» алаяқтың ісі тергеліп жатыр
2017 жылғы 11 қараша 12:17 392

АСТАНА. ҚазАқпарат - Қостанай қалалық прокуратурасы пластикалық терезе орнатумен байланысты алаяқтық фактілері бойынша тергеп-тексеру басталғанын мәлімдеді. Бұл жайлы аlau.kz хабарлайды.

Сотқа дейінгі тергеп тексеру кәсіпкер Ратушнякқа қатысты жүргізіліп жатыр. Қыркүйек айында ол қостанайлық әйелге балконын әрлеп беремін деп уәде беріп, алдын ала 100 мың теңге алып кеткен. Содан кейін оны табудың мүмкіндігі болмаған.

Істі Қостанай қалалық прокуратурасының қызметкерлері бақылауына алды. «ҚР Қылмыстық кодексінің 190-бабына («Алаяқтық») сәйкес сотқа дейінгі тергеп-тексеру жүргізілуде. Қазіргі кезде іс өндірісінде бес жәбірленушінің шағымы қарастырылуда», - дейді Қостанай облыстық ІІД баспасөз қызметінің басшысы Ирина Беженарь.

Полиция басқа жәбірленушілер болса, ішкі істер басқармасына хабарласуын сұрайды. 

 

 

Басты сөздер: Қылмыспен күрес, Қостанай облысы,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер