Қостанайда оқушыларға сабақ болмайды

ҚОСТАНАЙ. ҚазАқпарат - Аязға байланысты Қостанай қаласының мектептерінде бірінші ауысым сабақтары болмайды, деп хабарлайды ҚазАқпарат тілшісі қалалық білім бөліміне сілтеме жасап.

«24 қаңтарда облыс орталығында температура -27 градус. Бірінші ауысымдағы 0-9 сыныптар үшін сабақ тоқтатылды», - делінген хабарламада.

Айта кетерлігі, бүгін аязға байланысты Астана қаласы, Ақмола, Жамбыл облыстарының мектептерінде сабақ тоқтатылды.