Қолданушы баптаулары
Қолданушы баптаулары
+7 (701) 759 90 19 Лента
Астана: 16 °С
Алматы: 24 °С
USD 326.17 EUR 401.25
RUB 5.31 CNY 51.84
Жаңалықтар

Қостанайда ірі көлемде қаражат жымқырған аурухана қызметкерлері қамауға алынды

2018 жылғы 12 қаңтар 10:27 998
Бөлісіңіз:
Қостанайда ірі көлемде қаражат жымқырған аурухана қызметкерлері қамауға алынды

ҚОСТАНАЙ. ҚазАқпарат - Ұзынкөл аудандық орталық ауруханасының бас дәрігері мен есепшілері мемлекет қаржысын жымқырғаны үшін сотталды, деп хабарлайды ҚазАқпарат тілшісі облыстық соттың баспасөз қызметіне сілтеме жасап.

Іс материалдарына сүйенсек, 2013-2016 жылдар аралығында Ұзынкөл аудандық орталық ауруханасының бас дәрігері К.Ержанова, бас есепші Ә.Жақантаева және есепші-кассир Л.Дабаева кассада қолма-қол ақшаның барын біліп, оны аурухана жарғысынан тыс мақсатттарға жұмсаған.

«Олар тиісті құжаттарды жасамай, заңды айналып өтіп, аса ірі мөлшердегі қаражатты өздерінің қажеттіліктеріне жұмсаған. Мемлекетке келтірілген шығын көлемі 9 660 808 теңгені құрады. Аталған экс-қызметкерлерге қатысты ҚР ҚК 176 бабы, 4 тармағы бойынша қылмыстық іс қозғалды. Сот талқылауы барысында үшеуі де тағылған айыпты жоққа шығарды», - деп мәлімдеді облыстық соттың баспасөз хатшысы Индира Құсайынова.

Ұзынкөл аудандық сотының үкімімен айыпталушылар кінәлі деп танылды. Оларға 7 жылға бас бостандығынан айыру туралы жаза тағайындалды.

Үкім заңды күшіне енген жоқ.

 

 


Бөлісіңіз:

Автор:

Қасқырбай Қойшыманов

Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат