Қолданушы баптаулары
Қолданушы баптаулары
+7 (701) 759 90 19 Лента
Астана: -10 °С
Алматы: -4 °С
USD 335.33 EUR 395.49
RUB 5.70 CNY 50.75
Жаңалықтар

Қостанайда ағайынды ұрылар ұсталды

2017 жылғы 7 қазан 13:35 594
Поделиться:
Қостанайда ағайынды ұрылар ұсталды

ҚОСТАНАЙ. ҚазАқпарат - Қостанайлық тәртіп сақшылары бір айда бірнеше рет мал барымталаған әккі ұрыларды қолға түсірді, деп хабарлайды ҚазАқпарат тілшісі.

«Қостанай аудандық ішкі істер бөлімі қызметкерлері өңірде 7 рет мал ұрлаған екі ағайындыны ұстады. Белгілі болғандай, мал ұрлығы наурыз айында жасалған. Қазіргі кезде қолды болған түліктердің жартысы заңды иелеріне қайтарылды. Ұрылардың ет сатушылармен байланысы болғаны анықталды», - деді облыстық ІІД баспасөз қызметіндегілер.

Ағайындылар барымталаған малдарды «Газель» автокөлігімен тасып отырған. Ірі қара малдарды бауыздап, қостанайлық мал сатып алушыларға тапсырған. Тәртіп сақшылары күдіктінің Наурызым ауданындағы үйінен 11 қой және 10 бұзауды тапқан.

Осы факт бойынша ҚР ҚК 188 бабымен («Ұрлық») қылмыстық іс қозғалды.

 

 


Бөлісіңіз:

Автор:

Батыр Жолайұлы

Пікір қалдыру
Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат