Ауа райы
Астана 18 °С
Алматы 16 °С
валюта бағамы
USD 341.61
EUR 410.27
RUB 5.90
CNY 51.98

Қостанайда 500 жұмыс орнын қамтитын жаңа орталық ашылды

Қостанайда 500 жұмыс орнын қамтитын жаңа орталық ашылды
2017 жылғы 17 қыркүйек 18:13 276

ҚОСТАНАЙ. ҚазАқпарат - Қостанайлықтар асыға күтіп жүрген «Kostanay Plaza» ойын-сауық орталығы салтанатты түрде ашылды, деп хабарлайды ҚазАқпарат тілшісі.

Ашылу салтанатына облыс әкімі Архимед Мұхамбетов, Қостанай қаласы әкімі Базыл Жақыпов пен «БК-Строй» компаниясының басшысы Игор Ким қатысып, лентасын қиды.

«Қала тұрғындары мен қонақтарына жақсы жағдай жасау біздің басты міндетіміз. Бүгін тағы бір қуанышты сәттің куәсі болып отырмыз. Бұл - облыс орталығындағы ерекше ғимараттардың бірі. Құрылыс жұмыстарына жергілікті құрылыс материалдары қолданылды. Инвестиция көлемі 4 млрд теңгені құрап отыр және 500 жұмыс орны ашылды», -деп атап өтті Архимед Мұхамбетов.

«Kostanay Plaza» - бұл облыстағы ең ірі ойын-сауық нысаны. Көлемі - 18424 шаршы метр. Ғимарат Қостанайдың солтүстік-батысындағы «Алтын Арман» шағын ауданында орналасқан. «Kostanay Plaza» маңындағы автортұраққа бір мезетте 600 көлік аялдай алады.

Бұл ғимарат заманауи талаптарға жауап бере алады. Гипермаркет, Фуд-корт (тамақтану аймағы), фэшн-индустрия тауарлары дүкені, тұрмыстық техникалар сатылатын орын, балаларға арналған "Funky town" саябағы жұмыс істейді. Ал кинотеатр 730 адамға арналған.


Қостанайда 500 жұмыс орнын қамтитын жаңа орталық ашылдыОйын-сауық орталығының ашылуына орай қаладағы №38 автобустың қозғалыс бағыты да өзгерді. Енді тұрғындар «Алтын Арман» сауда үйіне қиындықсыз қатынай алады.   

Батыр Жолайұлы

 

 

Басты сөздер: Қоғам, Қостанай облысы, Жұмыспен қамту,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер